Organizo de
Internacia Esperanto- Instituto
La fondaĵo Internacia Esperanto-Instituto (IEI) estis kreita de Julia Isbrücker kaj Andreo Cseh en 1930. En la jaro 1933 IEI ekposedis sian propran oficejon ĉe la adreso Riouwstraat 172 en Hago, kie ĝi hejmas ankoraŭ hodiaŭ.
Dum la tridekaj jaroj de la pasinta jarcento IEI edukis pli ol 400 Cseh-metodajn instruistojn. Kvardeko el ili migris ĉefe tra Eŭropo, donante kursojn. Dum tiu epoko multaj Cseh-metodaj kursoj kaj konferencoj pri la instrumetodo estis organizitaj en vilao apud la orient-nederlanda urbo Arnhem, la t.n. Esperanto-Domo, kiun la urbestraro disponigis al IEI.
Nuntempe IEI disponas pri diplomitaj Cseh-metodaj docentoj el plej diversaj landoj en la mondo. Ili okazigas kursojn.
Interalie pro tio, ke nuntempe Esperanto estas pli ofte studata aŭtodidakte aŭ pere de interretaj kursoj, la agadoj de IEI prioritate limiĝas al la okazigo de kursoj kaj konversaciaj grupoj. En la Haga oficejo ankaŭ kunvenoj estas organizataj pri temoj rilate al la Esperanto-kulturo.
IEI ankaŭ publikigas librojn, ne nur sur la kampo de la instruado, sed ankaŭ pri la historio de Esperanto. La instituto havas vastan bibliotekon kaj ankaŭ vendas novajn kaj brokantajn librojn en Esperanto.
Krome, IEI subtenas la evoluigon de nova teĥnologio kaj lingvokomputiko i.a. por parolrekonado, tekstanalizo kaj digitigo de tekstoj por Interreto.
Ĝi ankaŭ produktis poŝtelefonan apon por lerni Esperanton.
La celo de IEI (laŭ la statutoj) estas:
1. La celo de la fondaĵo estas:
- progresigi la uzadon de la lingvo Esperanto kiel internacia komunikilo;
- progresigi la konon de Esperanto;
- progresigi la instruadon de la lingvo Esperanto.
2. La fondaĵo klopodas atingi ĉi tiun celon per plenumado, plenumigado aŭ subteni la plenumadon de la jenaj aktivaĵoj:
- kompetentigi instruistojn kaj aktualigi ilian kompetentecon por instrui Esperanton;
- doni Esperanto-kursojn kaj organizi konversaciajn kunvenojn;
- evoluigi kaj eldoni materialon por Esperanto-instruado kaj skribe kaj bite;
- disponigi materialon por Esperanto-instruado kaj -informado;
- organizi kunvenojn pri la historio kaj kulturo de Esperanto;
- kolekti kaj disponigi librojn, periodaĵojn kaj aliajn objektojn en la lingvo Esperanto aŭ koncerne Esperanton;
- bitigi kaj tiuforme disponigi Esperanto-materialon;
- eldoni publikaĵojn en la lingvo Esperanto aŭ koncerne Esperanton;
- produkti kaj disponigi komputilprogramojn por la uzado de Esperanto;
- esplori la lingvon Esperanto kaj ĝian konkretan uzadon;
- bonteni kontaktojn kaj interŝanĝi informojn kun personoj kaj instancoj engaĝitaj aŭ okupiĝantaj pri la supre menciitaj aktivaĵoj;
- plenumi ĉiujn ceterajn agojn, kiuj plej vastasence rilatas al la supre menciitaj aktivaĵoj aŭ estas utilaj por tio.
3. La fondaĵo ne celas krei profiton.
Utilaj ligiloj
Pri la instituto:
Pri Esperanto en Nederlando:
Pri Esperanto tutmonde:
Pri esploro kaj instruado:
Lernu Esperanton:
Aferoj koncerne la nederlandan leĝon:
- KvK-numero: 41151853
- RSIN-numero: 003483885
- IEI estas ANBI (Establaĵo Celanta la Ĝeneralan Utilon)
Via de knop hieronder vindt u het jaarverslag over 2022.
La Fondaĵo Internacia Esperanto-Instituto funkcias konforme al privateca protokolo:
- Ni neniam konigas personajn informojn kun eksteraj perantoj.
- Ni nur konservas personajn informojn por:
- finaranĝi mendojn laŭ via peto;
- respondi al (ret)poŝto laŭ via peto.
- Por tiuj celoj ni konservas:
- via bankkontnumero;
- via retpoŝt- kaj/aŭ hejmadreso.
- Ni neniam konservas informojn pli longe ol estas racie.